音响效果器名词表:老上海弄堂里厢格叫卖声（下）

老上海弄堂里厢格叫卖声（下） 

（续上）

立勒老早格辰光，还有一种为女人做美容格娘姨，也叫“ 梳头娘姨”。做美容娘姨格，要算扬卅宁（人）最多。立勒二、三十年代，一些小康之家格老太太、太太和阿奶们，平常是不大肯剪头发格。依拉才是梳格盘香头、横S竖S头。每天才有梳头娘姨，定辰光上门为依拉梳洗。假使是到弄堂里厢来叫喊格，肯定才是新到上海来做格，因为依还没有固定格户头。不过，立勒四十年代以后,一些太太们，也讲究起时髦来勒。依勒大多数是到理发店里厢去烫头发勒。所以，狄一行当，也老早就被淘汰勒。
   跟立勒“ 梳头娘姨”狄行当格，就是卖“广东宁（润）刨花”格。狄格是妇女梳洗头发用品中格一种专卖。狄种专卖，就是卖刨花。小贩只要一块木头塔子一只刨子。才有人要卖刨花格辰光，就用刨子刨一点木花下来，卖拔勒依。狄种刨花，是用清水浸泡出来格水，老滑老滑咯，据讲依可塔子凡士林、润发油等媲美，涂一点立勒头发浪厢，照样可以使头发乌黑晶亮，而且还有一定格粘性，头发不会被风吹乱塔。
   其它格还有修修补补、收旧货格小贩。比如:
   “哎嗬嗳——阿有啥个旧瓶、申报纸卖伐！”“阿有啥坏格钢种镬子、旧格铜吊卖伐！”“旧衣裳有伐！”
    “箍——桶啊！”狄是种圆木工，是一种专门修修补补格手艺人。依拉主要是修理各种木桶、饭桶、米桶、水桶、马桶。而狄种修理，大多数是换格箍，或补格小木板之类格。而箍圈，一般才是铜箍、铁箍、竹箍。狄种修补，算是修理马桶格生意，是最好格。
    还有当听到“叮叮当当”格铜片声.，连小囡阿晓得，狄是铜匠担来勒。依从伐要喊叫，因为担子浪厢挂着格铜片，会得发出叮叮当当格响声，顾客就会自动跑过来格。依拉不仅修理铜器，也会焊锡、修铁镬子、补搪瓷器皿、焊锡制格脚炉、汤婆子等等。有格还兼顾开锁、配钥匙等生活。
   “修——洋伞!阿有啥格坏格皮鞋修伐!”狄种生意,主要是江苏苏北地方宁（人）做格比较多。狄格也是个老行当，换伞骨、补伞面、修皮鞋。搞熟勒，就会立勒弄堂口外头，找一个佛影响宁（人）车走路格地方，摆上个固定格摊子，就会经常有固定格客人跑来光顾。
   再有一种是“补碗”格。依拉补碗格辰光，就是陶瓷器，只要送过来修，依拉也是修补格。据讲，做狄个行档格，大都是江西宁（人）。后来，也有苏北宁（人）也加入了狄个行档。
  “阿有啥格坏格棕棚修伐！修---棕棚!”据讲，做狄个行档格，大都是浙江绍兴宁（人）做格。
   “长锭要伐——长锭!”狄格是一到每月格农历三十和十四两格夜里厢，也就是立勒农历初一、十五前一天格傍晚辰光，立勒街头或弄堂里厢，就会响起“长锭要划，长锭要划”格用浦东或宝山口音格叫卖声。卖长锭格宁（人），才是相近上海附近乡下头格妇女。狄格也是依拉格一种副业，自家制造，自家喊卖。依拉大都是用一根竹杆，挑着一串串长锭,就立勒夜里厢出来叫卖。狄格长锭，是用锡箔和纸相间制成元宝形格式样，并用一根棉纱线穿成长串，所以就叫做“长锭”。因为狄格辰光格上海宁（人）比较相信迷信。所以，到勒三十、十四两格夜里厢，就争相去买一串长锭来烧烧。需要买格人，连夜要将长锭买好，就立勒弄堂里厢自家咯门前头，将长锭烧掉。依勒讲，烧之末一串长锭,就有勒半个号头格太平热脚好过。乡下头格妇女么就投其所好，狄格也已成为依拉格一种固定格副业。

“捞锡箔灰”狄格四个字，是上海闲话骂宁（人）捞取非法金钱格形容词。狄格当然不是真格去捞锡箔灰。不过，当时，也有狄种确确实实格事体发生过。前头也讲过，因为当时格上海宁（人）比较相信迷信。所以，到了三十、十四两格夜里厢，就争相去买一串长锭来烧烧。需要买格人，连夜就要将长锭买好，就立勒弄堂里厢自家咯门前头，将长锭烧掉。然而，就立勒狄格两格夜里厢，必定有宁（人）手里拿着把小畚箕塔子（和）小刷帚，沿着弄堂里逐家逐门格跑，只要看到有烧长锭格宁（人）家，还末等到长锭烧脱，火焰还未熄灭，依勒就夯白浪荡格，统统扫进勒自家咯畚箕里厢去勒。依集拢起来，就卖拔勒“收纸锭灰”格小贩，换点小菜铜钿。鬼用格锡箔灰，也就变成勒宁（人）用格小菜铜钿。狄格就是依勒“捞锡箔灰”格特别生财之道。

立勒农历初一、十五格上半天，就有一种叫卖声传来：“锡铂灰、纸锭灰有伐！收纸锭灰罗!” 做狄个行档格，大都是浙江绍兴宁（人）做格。因为立勒旧社会，祭神祭祖格人家是蛮多格。要祭神祭祖，就要烧锡箔，烧长锭。狄个锡箔，是用锡打在薄纸上。要祭神祭祖格宁（人）家，立勒买回去之后，就将依折成元宝形状，就叫做“纸锭”。经过燃烧过格锡箔灰，一般是佛会倒掉格，依总是要留立勒火盆里格。等到积存多之后，当听到弄堂里厢有“收纸锭灰”格叫卖声来勒，就拿锡箔灰卖把勒依。据听老年宁（人）讲，立勒卖锡箔灰格辰光，佛能让小贩伸手去掏纸锭灰格。因为当依看到纸锭灰后，如让依伸手去掏，因为锡箔上格锡，经燃烧而熔化后，会凝结成块，怕依捞到这块锡后，就讲狄格灰成色佛好，佛要勒。所以，立勒卖锡箔灰格辰光，就佛能让小贩伸手去掏纸锭灰格。

天黑勒，又有一个卖晚报格声音，更是嘶哑,。老实讲，讲是依立勒叫卖晚报，还不如是依叫卖新闻、炒作新闻。早浪厢卖报格，要喊几声：“申报、新闻报！”。依勒有固定格户头，也有包月格订户。卖夜报格，以零售为主，报贩佛得佛高唱：“今天格新闻真正好……”，叫唱新闻格，佛晓得是跟卖“年糕糖”学格，还是卖“年糕糖”格向依学格。反正有了“小热昏”.唔没够刺激格新闻格辰光，也有唱一些啥格明星打胎，啥格宁（人）离婚，。就是现在所谓新闻格“炒作,卖点”，格个老早辰光就有勒。只不过现在具有欺骗性更图（大）勒,道德更败坏勒。

再有一种是立勒天刚刚朦朦亮格辰光，天空当中还刚刚泛起鱼肚白，就有一阵响亮格喊声传来：“奥——马桶拎出来——”“倒——马桶啊！”狄一声，划破勒沉寂格弄堂，惊醒勒宁（人）格好梦。狄格辰光，前楼格阿姨，后楼格好婆、亭子间里格嫂嫂，还有有钞票宁（人）家格娘姨、图（大）姐，就马上张开惺忪格眼睛，迅速格钻出被头窝，习惯格拎起勒马桶，直奔粪车旁。紧接着，一阵阵哗啦啦刷马桶格声音，传遍勒整个弄堂里厢。这些声音，也就成勒上海弄堂里厢各种声音格晨曲。

                                                                           （本文完）