廣東話粗口

粗口，即係侮辱人哋嘅話，係社交禁忌，通常講句嘢嘅人唔會真係想佢講句嘢發生。廣義上，廣東話（粵語）粗口，主要係性器官、性行為或者咒人死傷。有時啲人會講到打交 ^{[未記出處或冇根據]}。狹義上，粗口係同性有關嘅本字，即係廣東粗口五大字。

目錄

• 1 廣東粗口五大字
• 2 第啲粗俗嘢
• 3 粗口文化
  • 3.1 歇後語
  • 3.2 諧音
    • 3.2.1 粵語諧音嘅取代字詞
    • 3.2.2 第啲話嘅諧音
    • 3.2.3 粗口譯做英文
  • 3.3 第啲代替字
  • 3.4 次文化
  • 3.5 打油詩
• 4 實用
• 5 諧音
• 6 拎

廣東粗口五大字 [編輯]

又叫做「門氏五虎將」、「一門五傑」或者叫「粗口五傑」，哩五個字分別係：??，「門」字入面加「小」字，原字屌；「閪」，「門」裏面加「西」，原字屄；??，「門」裏面加「能」，或借撚字，原字??；??，「尸」裏面加「九」，或寫尻字，借鳩字，原字?；同埋??，「門」裏加「七」。佢哋各有意思同用法，每個都可以獨當一面，而且可以互相配搭或者交換用。

第啲粗俗嘢 [編輯]

有啲未至係歸入粗口，主要係咒人話或者粗口諧聲。佢哋無一門五傑咁露骨，都係用嚟鬧人或者發洩。有啲人都忌呢啲，但有啲唔當係粗言，完全無禁忌。

呢啲經已無禁忌：

• 戇居，尻諧音做居。話人戇。
• 條條揈，屌諧音做條，即屌屌揈或者吊吊揈，如同中文吊兒啷噹，吊即係屌。
• 笨實，??諧音做實。話人笨咁解。

有啲通到香港電檢處審查，喺一啲2B級或以下嘅電影入面出現，例如：

• 仆街，咒人出街有意外。
• 冚家剷，咒人全家死。
• 粉腸（係「撚樣」嘅諧音）

^{[未記出處或冇根據]}

• 戇DOG（戇狗，係「戇尻」嘅諧音）
• 屎忽鬼，話人同性戀
• 你媽閪，尻諧音做喺（hai5）。話人生母、養母或後母嘅意思，即「你阿媽個閪」嘅簡短版。
• 無厘頭
• 躝癱，咒人癱
• 小喇叭（係「屌那媽」嘅諧音）
• 收皮

粗口文化 [編輯]

爆粗係禁忌嘅話，人就諗啲計間接講粗口。

歇後語 [編輯]

• 岸上嘅海鷗

頭尾兩個字係「岸」同「鷗」，「海鷗」英文作 sea gull，gull同「尻」同音，縮短咁讀即係諧音咗嘅「戇尻」。

• 亞婆跑步（又可以話「亞婆走佬」）

歇後語即係「老閪都走／掹」，要即刻走佬、幾大都閃咁解。

• 童子軍跳彈床

歇後語就係「Scout 彈」，直譯嘅粵語諧音就係「是尻旦」，屬於中西合璧嘅典範。

• 夜觀星象

歇後語係「眺那星」，即係「屌那星」嘅諧音。

• 唐餐變西餐

即係話「多嚿魚」，即係「多尻餘」嘅諧音。

• 法國大餐

亦都係解「多嚿魚」，諧音同上。

• 風吹皇帝褲囊

皇帝乃孤家寡人，褲囊內藏皇帝嘅尻，被風吹會覺寒冷，即係話人哋「孤尻寒」。

• 救護車

2006年嘅香港電影《至尊無賴》其中一個英文詞語「Ambulance」，鄭中基將佢讀做「M部撚時」。[1]

• 猩猩打飛機

歇後語係「玩撚猿」，即係「玩撚完」。

• 老虎扯旗

歇後語係「伸鳩虎」，即係「辛鳩苦」嘅諧音。

• 老鴇埋年

歇後語係「算鳩數」，老鴇即係妓女，指妓女到咗年尾做結算，算嘅係陽具（鳩）數。（鴇：音舉）

諧音 [編輯]

粵語諧音嘅取代字詞 [編輯]

• 「釣蟹」／「釣喇嘛花蟹」　←→　屌閪／屌那媽化閪
• 「地理魯媚」　　　　　　　←→　屌你老味
• 「調理農務臭化系」　　　　←→　屌你老母臭花閪
• 「調理農務蘭花系」　　　　←→　屌你老母爛化閪
• 「鹹蝦燦」　　　　　　　　←→　冚家剷
• 「岸舟舟」　　　　　　　 ←→　戇鳩鳩
• 「硬膠膠」　　　　 ←→　（同上）
• 「夜渡溪」　　　　　 ←→　熱到閪
• 「凍檸水」　　　　　 ←→　凍撚死
• 「凍檸茶」　　　　　 ←→　凍撚殘
• 「大檸樂（可樂）」　 ←→　大撚鑊
• 「大家樂」　　　　　 ←→　大鳩鑊
• 「你諗你」　　　　　　　 ←→　理撚你（「唔理你／話知你」嘅意思）
• 「做乜捻野」　　　　　　　←→　「做乜撚野」(「捻」似「撚」)
• 「點揾你」　　　　　　　　←→屌撚你
• 「杏加橙」 ←→　冚家剷

第啲話嘅諧音 [編輯]

• 「荷蘭銀行支票」　：直譯做英文”Holland Bank Cheque”，「好撚笨柒」。
• 「荷蘭月亮」　：直譯做英文”Holland Moon”，「好撚悶」。
• 「荷蘭擁躉／荷蘭風扇／荷蘭飯」　：直譯做英文”Holland Fan”，「好撚煩」。（睇嚟荷蘭真係有好多擁躉。)
• 「荷蘭皇帝」　: 直譯做英文”Holland King”，「好撚勁」。
• 「澳門朋友」　：直譯做英文”Macau friend”，「麻鳩煩」。
• 「澳門海」　：”Macau Sea”，讀音近似「乜鳩事」。
• 「唔好拖延」　：直譯做英文”Delay No More” ，「屌你老母」。
• "Do you know me"，「屌你老母」。
• 「達賴喇嘛」，英文稱「Dalai Lama」，發音處宿寫為「DLLM」，和讀音「Diu Nei Lo Mo」一樣，即係「屌你老母」或「屌那媽」。
• 「咖啡色」　：哩個詞語嘅泰文「???????? 」讀音近似「是撚旦」。
• 「村長騎牛背」　：據聞話哩句嘅泰文「???????????????? 」讀音近似「咁撚奇撚怪」。
• 「童子軍跳彈牀」："Scout"彈，讀音似「是鳩旦」。
• 「Ideally normal height」英文音似係「我屌你老母屄」
• 「不該」，「poor guy」，「poke guy」（仆街）
• 「稻草人」：哩個詞語嘅閩南話讀音近似「屌臭撚」。
• 「Dell Lenovo Haier」：哩個嘅讀音近似「屌你老母閪」

粗口譯做英文 [編輯]

• 「Tell The Dog」　：「話狗知」，係「話鳩知」嘅諧音。
• 「Whole Family Die」　：「冚家剷」。
• 「Foolish Seven」　：「笨柒」。
• 「Burn Your Spring Pocket／Your Spring Pocket will be Barbecued」　：「燒你春袋」。
• 「Falling Down the Street」　：「仆街」。
• 「One Dog Face」　：「一狗樣」，係「一鳩樣」嘅諧音。
• 「Macao Friend」　：「馬交朋友」，係「麻鳩煩」嘅諧音。
• 「Polk Street」 ：「仆街」

當然有時都會倒返轉，借廣東話嚟意譯成外語粗口諧音。例如：

• 「福建大學」：直譯做英文「Fook Kin U」，「Fucking you」。
• 「灣景街」嘅 灣景：直譯做英文 「Wan King」(wanking)，意思即係 打飛機 噉解

第啲代替字 [編輯]

• GAP（女性外生殖器）
• PK：粵語用英文做拼音成Pok Kai，即係「仆街」

次文化 [編輯]

當年香港有本綜合式漫畫，叫做【玉郎漫畫】，每一期中間都會加插一頁專欄叫做【太公報】，由漫畫家甘小文所主編，用報紙嘅形式嚟登。專欄同讀者上另類嘅自然教育同埋體育堂：

自然教育

• 蔬果類：柑、蕉、桔、梨、碌柚（「今朝拮你籮柚」嘅諧音）
• 動物類：

1. 雁、鷲、鵰、狸、獅、狒、龍（「晏晝屌你屎忽窿」嘅諧音）
2. 鵰、狗、豹、狸（「屌尻爆你」嘅諧音）

體育科

• 跳遠：跳七里、跳九里、跳廿碼（「屌七你」、「屌尻你」、「屌那媽」嘅諧音）
• 舞蹈：跳老舞（「屌老母」嘅諧音）

打油詩 [編輯]

以下一首諧音打油詩曾經輯錄喺黃霑嘅《不文集》，周星馳主演電影《唐伯虎點秋香》嘅一幕比試戲。

冚家剷泥齊種樹

汝家池塘多鮫魚

魚肥果熟嫲撚飯

你老母兮親下廚

• "兮"　"閪"諧音.

實用 [編輯]

廣東人有時會用一連串粗口對鬧^[1]。出名嘅例有巴士阿叔同廣州巴士阿叔。

公衆人物喺公開講粗口唔多，但都有啲踩鋼線嘅例：

• 唐英年喺立法會上講「條條揈」
• 曾蔭權喺立法局答問大會上面爆咗句「狗/久/鬥噏辯論」，（事後官方紀錄做「鬥噏」，但好多人都聽到前者）
• 黃毓民喺立法局上用國語講「很不該」。（黄毓民做網絡電台節目時唔會避粗口）。

諧音 [編輯]

• 真不該
• 小李飛刀
• Now實佢